Aabo somali ah oo dilay wiilkiisii  Oo 2 sano jira. Magaalada Jonkoping ee dalka Sweden

Jonkoping- Waxa saacaddu markii aay ahayd l2.30 habaynimo ee habayn hore soo gaadhay telefonka gargaarka deg dega ah in jaarku maqlay qaylo fara badan. In yar ka dib waxa la arkay hooyo ilmaheedii oo dhintay gacanta ku sida. Waa sida uu qoray jaraaidka ka soo baxay magaalaada Jonkoping ee la yidhaahdo JONKOINGS-POSTEN. Isla markiiba waxaa yimi Abulancekii oo isku dayey in aay badbaadiyaan balse tiisii baa dhamaatay isla halkii buu ku dhintay. Mudo yar ka dib waxaa yimi afar gaadhi oo polis ah. Isla halkaana waxay xidheen abihii dhalay ilmaha yar.

Waxa ilaa shalay ilaa maanta la hayaa aabihii oo polisku wax waydiinayey. Wali lama xaqiijin balse dadka qaar waxaa la sheegay in ninka lagu tuhunsan yahay xanuunka dhimirka.

Sida uu sheegay looyarka difaacaya ninka loo haysto in uu dilay wiilkiisa 2 da sano jiray, ayaa sheegay in aanu wax faahfaahin ah ka bixin doonin arintan. Ilaa maanta waxaa baadhitaan ka socday gurigii reerku daganaa oo qolada danbi baadhista u xidhnaa.

Maanta ayaa kiiskan loo gudbiyey xeerilaaliyaha gobolka, iyaga iyo booliska ayaa isla eegi doona arintan naxdinta leh ee ku soo korodhay jaaliyadda somalida iyo wixii islaam ah ee degen magaaladan Jonkoping . Waxa kaloo aan wali la aasin maydhka wiilkii yaraa oo isna baadhitaan u yaala cisibtalka guud ee Ryhov.

Dhammaan Soomaalilada iyo jaarka reerka ag degenba waxay aad uga xun yihiin arrintan fajaca iyo tiiraanyada leh ee ku habsatay reerkan. Dhammaan jaaliyadda Soomaaliyeed ee degan magaladan Jokoping waxay tacsi u dirayaan qoyskii uu ka geeriyooday wiilkaa yar.

Wibilaahi Towfiiq

Mustafe Ali Wadad