Islaan 104-jir Ku Baratay Qorista iyo Akhriska

Islaantan oo ka jawaabaysa su'aal laga waydiiyay markii ugu horaysay ee ay arintani u suura gashay ayaa

Hargeysa:-Wakaaladda Wararka ee Dalka Germany ayaa dhawaan soo warisay in Haweenay da'' ah oo u dhalatay dalka Pure ee koonfurta qaarada Ameerika ay dedaal badan ka dib ugu danbayntii ku guulaysatay inay wax qorto waxna akhrido.

Haweenaydan oo lagu magacaabo Andonia Paz Milgar oo ah Saqadley ama wadhato da''deeduna tahay 104-jir ay baratay akhriska iyo qoraalka. Haweenaydan oo u waramaysay wakaaladda wararka dalka Germany ee ''DPI'' ayaa sheegtay inay boqol sano ka dib Riyadeedi u rumowday, xiligana ay awoodo inay waxna akhrido waxna qori karto iyada oo aan u bahnayn cid ka caawisa arintaas, islaantan oo hadalkeeda sii wadata ayaa sheegtay in yaraanteedi ay arintani u suurta gali wayday, taas oo ay sabab u ahayd iyada oo ka dhalatay qoys faqiirin ah, ayna ku noolayd xaafadaha ay dadka danyarta ahii dagaan oo aan xiligaa lahayn wax iskuula ah, hasa yeeshee ay imika ka faa'iidaysatay Barnaamijka cusub ee la dagaalanka qoris iyo akhris la''aanta ee dalkaas ka socda.

Waxa kale oo ay islaantani sheegtay in mudo hal sano ka yar ay u suurta gashay inay wax akhrido waxna qorto. Islaantan oo ka jawaabaysa su''aal laga waydiiyay markii ugu horaysay ee ay arintani u suura gashay ayaa sheegtay in markii hore aanay aqoon wax ay xuruuftu u taagan yihiin iyo macnahooda akhris iyo qoraalna warkoodaba daa hasa yeeshee markii ay shan bilood dhiganaysay ay awooday qorista magaceeda, xiligana ay qori karto akhriyina karto dhamaan qoraaladda, hasa yeeshee waxa ay xustay in dhibaato ka haysato dhinaca maqalka, iyada oo tilmaantay in qof da'deeda gaadhay oo 104-jir ahii uu dhagaha iyo indhahaba beelo, laakiinse ay iyadu aad u nasiib badan tahay. Islaantan oo taariikhdeedi nololeed wax laga waydiiyay ayaa sheegtay inay u soo joogtay 8-inqilaab oo ka dhacay dalkeeda iyo dagaalo kala duwan oo wadankeedu la galay dawladdaha dariskiisa ah. Haweenaydan ayaa sheegtay inay u soo joogtay dunida oo aan Tilifishano iyo idaacado aan laga aqoon, dagaalkii labaad ee dunida oo la waydiiyay intay leekayd ayay sheegtay inay 40-jir ahayd, taariikhdaa dheer ee laga waraystay ayaa ahayd mid aad u cajaayib badan hasa yeeshee waxa ay ku faraxsan tahay inay qoraalka iyo qorista baratay boqol iyo sadex sanadood ka dib markii ay dhalatay.


Hassan Hussein Abdillahi(Keefkeef)
Somaliland Education Network
Hargeysa