Suldaan Ahmed Cabddillahi Samaalow (Suldaanka Cabdalla Abokor) Waxaan Ku leeyahay Arabsiyo Ciil umagabto Inay Caasimad gobol noqoto ee Hadalkaaga U Fiirso.

Waxa Wax laga yaqyaaqsooda ah hadal dhawaan Ka Soo yeedhay Suldaan Samaale oo yidhi Faraweyne iyo Darasalaam ayaa laga Soo Jarayaa gobalka Hargeysa oo lagu darayaa gobalka Gabilay. Dabadeedna waxa caasimadda gobalkaa riyada noqoneysa Arabsiyo. Waxaan Suldaan Samaalo waxa muuqata inaanad aqoon u lahayn beelaha Baho Cumar lyo Bahabar Aadan ee Jibriil Abokor Waa kuwii geed dheer lyo geed gaaban iskugu taagay gobalnimad Gabilay. Waanay Ku Faraxsan yihiin 100% In Gabllay Waligeedba ahaato caasimadda Gobalka Gabilay. Magaalada Gabilayna waligeed waxay ahaan doontaa magaalada xarunta noo ah gobal ahaan lyo beel ahaanba.Waana Gabilay xarunta gobalka lyo halka dhawaan laga dhisayo Jaamacad Weyn ee Timacade Universiy.

Hadalkaaga aad tidhi Faraweyne lyo Darasalaam ayaa gobalka Gabilay lagu Soo darayaa oo Arabsiyo ayaa xarun u noqoneysa, dadka reer Arabsiyood gudo iyo dibada waxay u arkaan farogalin cad ood ku sameysay arrimaha beesha Jibriil Abokor. Waxaana kuu wanaagsan lnaad hadalkaagaa xaal Ka bixiso.  Waayo waxa dhici kara in hadalkaagaa dhibaato ka dhacdo. Dadka aad Suldaanka u tahay ee degan Geed Abeera, Teysa, Tincadda, Har Cadaad, waxay noloshoodu ku  xidhan tahay oo ay u soo arooraan dooxa Arabsiyood.  Sidaa daraadeed maaha in aad ku hadasho hadalo colaad sokeeye keenaya. Shaqada Suldaankuna waa nabad abuure. Da' ahaana waxaad tahay nin weyn ee cimrigaaga oo tagey ceeb laguma sagootiyo.

Ugu danbeyna Waxaan Suldaan Samaalow ku leeyahay caasimadda Gobalka Gabilay Waa Gabilay. Bahabar Aadan iyo Baho Cumar, ciil uma qabaan Arabsiyoo xarun gobal noqota, ee xarunta gobalka Gabilay waa Gabilay.
Faraweyne iyo Daarasalaam, waligoodba waxay ahaayeen Hargeysa. Gobalka Gabilay maab (map) Cusub madoonayo iyo dhul aan waligiiba Gabilay ka tirsanaan jirin.

Haddii aad adiga iyo wasiirka arrimaha guduhu aad waxaa ka Sheekeysateen waa riyo iyo nin daad qaadey xunbo cuskay.  Suldaan Samaalow Gobalka  Gabilay waxa kuu wanaagsan inaad hanbalyeyso ee taran ka naxu ma wanaagsana.



          Muuse Nuur
          ArabSiyo