Marka hore Salaan Somaliland Centre.
Ta labaad waxaan gocday inaan halkan hoosta kaga xariiqo inuu Muj Muuse Biixi yahay halyay u qalma lee yahayna sansaanteedii Madaxa hogaaminta dalka si Madaxwaynaha Somaliland.

waayo? Marka hore waxa uu ka mid ahaa mujahidiintii safka hore waqtigii dalka xornimadiisasu socotay nasiib wanaagna guushii dhaliyay, maantana reer Somaliland oo dhami midhaheedi ay cunayaan.

Mujaahidku markii dalka dib udhisidiisu bilaabantayna aan mar keliya ka dhex bixin oo marxald kastana ka qayb qaatay kuna amaanan si fiicanna u gutay.

Mujaahidaka sidaynu la socono imika muddo bilo gaadhaysa ayaa loo doortay inuu noqdo ku xigeenka gudoomiyaha Xisbiga Kulmiye, mudadaana waxaan odhan karaa waxa uu soo hooyay guulo la taaban karo. Waxaana ka mid ahayd heshiiskii Xisbiyada iyo dawladda oo uu isagu hormuud ka ahaa.

Mujaahidka heshiiskaa markuu qalinka ku duugay, debecsaanna muujiyay markii wada hadalku socday. Dadkii yaqaanay Muj. Muuse Biixi amakaag lama filaanbay ku noqotay. Waayo, dadka reer Somaliland waxay uga barteen inuu yahay nin mowqifkiisu adagyahay. Laakiin is may waydiin maxuu u adag yahay. Taasna waxaa cataatay inuu yahay ninka lexejeclada wadanka ka shaqaynaya oo aan ogolayan inay dalka si qaldan wax u dhacaan ee sida wanaagu ku jiro uu wax u wado.

Muj. Muuse Biixi qudbaddii uu ka jeedayay walqashii Gobolka Hawd magaala madaxdiisa Baligubadleh waxay ahayd tii ugu dheerayd marka loo eego hadalda madaxda kale jeediyeen uguna nuxurka iyo taariikhda badan. Taa oo xambaarsanayd kana tarjumaysay inuu Mujaahidku yahay nin dadka reer Somaliland meelkasta oo ay joogaanba isugu mid yihiin wanaagooda iyo sharaftoodana ilaalinaayo.

Markaaa waxaan hadalkayga ku soo gabagabaynayaa inuu Mujaahid Muuse Biixi yahay nin hogaanka wadanka u wadi kara si cadaaladi ku jirto ILLAAHAYNA ha ku gargaaro.

Wa bilahi tawfiiq

Mohammed Osman H Hassen